Aplicacion pa permiso 

Ki ora mester di un permiso?

Na momento cu ta brinda cuido profesional di cinco (5) of mas mucha, den categoria di edad di seis siman te ora cu nan caba scol basico (AB2017 No.38).

Pakico mester di un permiso?

Un permiso ta un documento oficial (y necesario), unda ta indica e tipo permiso cu Gobierno ta duna pa exploita cierto actividad. Den e Ordenansa Nacional di Centro di Cuido di Mucha (AB 2017 no. 38), ta indica esaki den capitulo 2 di ‘vergunningaanvraag’. Pues sin e documento oficial aki un Centro di Cuido di Mucha no por opera legalmente mas.

Banda di ta un exigencia den e manual (handleiding), e permiso oficial aki ta un necesidad tambe, mirando cu e Ordenansa ta regula y salvaguardia e cuido y calidad pa mucha dentro di un centro di cuido di mucha. Pero tambe e permiso oficial aki ta contribui na descubri e centronan, cu ta operando y (kizas) no ta conoci legalmente.

Hunto nos tin cu percura pa nos muchanan por ta den un ambiente sigur y cu ta brinda nan e espacio y guia profesional y necesario, pa nan por desaroya optimalmente.

Departamento di Mucha y Hoben (DMH) ta e departamento Gubernamental cu ta encarga cu e parti aki di procesa e peticion di permiso, como tambe ta atende cu e parti di administracion, registracion nacional y otorga permiso na e Centronan di Cuido di Mucha.